سپریم کورٹ میں موبائل فون لے جانے پر پابندی

بانی پی ٹی آئی کی تصویر لیک ہونے کے بعد سپریم کورٹ میں سیل فون لانے پر پابندی لگادی گئی ہے۔  عدالتی عملے نےکلرکس اور وکلا کو بھی موبائل فونز لے جانے سے روک دیا گیا ہے جبکہ صحافیوں کےموبائل فونز کمرہ عدالت میں لے جانے پر پہلے ہی پابندی لگی ہوئی ہے۔ یاد رہے کہ جمعرات کو نیب قانون میں ترامیم سے متعلق کیس کی سماعت کے دوران بانی پی ٹی آئی کی ایک تصویر لیک ہوگئی تھی۔ انتظامیہ نے اسٹاف کو سی سی ٹی وی کیمرے دیکھ کر تصویر وائرل کرنے والے کی نشاندہی کرنے کی ہدایت کردی تھی ، پولیس تصویر کو وائرل کرنے والے کے خلاف ایکشن لے گی۔