وزیراعظم 4 جون کو چین جائیں گے

ترجمان دفتر خارجہ کا کہنا ہے کہ وزیراعظم شہباز شریف اس دورے کے دوران  چینی صدر شی جن پنگ سے ملاقات کریں گے، وزیراعظم اکنامک اور ایگری کلچرل زونز کا بھی دورہ کریں گے۔وزیراعظم پاکستان چین بزنس فورم سے خطاب کریں گے، دورے کے دوران وہ چینی کمپنیوں اور کارپوریٹ سیکٹر سے بھی ملاقات کریں گے۔  ترجمان دفتر خارجہ کا کہنا ہے کہ پاکستان اور آذر بائیجان کے مابین  دیرینہ مضبوط تعلقات ہیں، آذر بائیجان کے وزیر خارجہ کا دورہ پاکستان بہت اہم تھا۔ان کا کہنا ہے کہ پاکستان اور سینٹ لوشیا نے 29 مئی سے باضابطہ سفارتی تعلقات قائم کیے ہیں، پاکستان نے تین سال میں مختلف ممالک کے ساتھ سفارتی تعلقات مضبوط کیے ہیں۔