کراچی میں عوام کے بعد اب بکرے بھی اسٹریٹ کرائمز کی لہر سے محفوظ نہ رہ سکے۔ گلستان جوہر میں کامران چورنگی کے نزدیک راہزنی کی انوکھی واردات ہوئی ہے۔ پولیس کے مطابق موٹر سائیکل پر سوار 4 ڈکیتوں نے بکروں سے بھرا ٹرک اسلحہ کی زور پر روکا اور پھر اسے لے کر نو دو گیارہ ہوگئے۔ بیوپاری عبدالمنان کا دعویٰ ہے کہ اس کے اس ٹرک میں لگ بھگ 30 بکرے تھے جو ملزمان لے اڑے ۔ پولیس نے ٹرک سے اترے ہوئے ڈرائیور سے تحقیقات کا آغاز کردیا۔ بیوپاری کا کہنا ہے کہ بکروں سے بھرا ٹرک وہ قریبی منڈی تک پہنچا رہا تھا جہاں اس کا اسٹال لگا تھا۔ لیکن ڈکیتوں نے تعاقب کرکے ناصرف ٹرک کو قابو کیا بلکہ بکرے تک اپنے ساتھ لے گئے۔
Discussion about this post