دلیپ کمار کا بنگلہ 155 کروڑ روپے میں فروخت

شہنشاہ جذبات دلیپ کمار کا ممبئی کا 3 منزلہ اپارٹمنٹس جسے بعد میں بنگلے کا روپ دے دیا گیا تھا۔ اب 155 کروڑ روپے میں فروخت ہوگیا۔ یہ بنگلہ باندرہ میں واقع 9 ہزار 5 سو سے زائد مربع فٹ کے رقبے پر پھیلا ہوا یہ 3 منزلہ بنگلہ 9ویں، 10ویں اور 11ویں منزل پر محیط ہے، جس کی فی مربع فٹ کی شرح 1.62 لاکھ روپے کے قریب ہے۔ اس اپارٹمنٹ کی رجسٹریشن کے لیے تیس ہزار روپے جبکہ 9.30 کروڑ روپے کی اسٹامپ ڈیوٹی ادا کی گئی ہے۔ بھارتی میڈیا رپورٹس کے مطابق گزشتہ برس دلیپ کمار کے اہل خانہ نے ریئل اسٹیٹ کے ساتھ معاہدہ طے کیا تھا، جس کے تحت اس بنگلے کو ری ڈیولپمنٹ پروجیکٹ کے لیے فروخت کیا گیا ہے۔ معلوم ہوا ہے کہ اب اس مقام پر پرتعیش رہائشی پروجیکٹ تیارکیا جائے گا  جس میں دلیپ کمار کی زندگی اور اہم سنگ میل کے لیے وقف ایک میوزیم بھی قائم کیا جائے گا، توقع کی جا رہی ہے کہ یہ منصوبہ 2027 تک مکمل ہو جائے گا۔