خیبرپختونخوا میں ایم پاکس کے مزید 2 کیسز

صوبائی محکمہ صحت کے مطابق  خیبرپختونخوا میں ایم پاکس کے مزید 2 کیسز سامنے آگئے ہیں، جس کے بعد پاکستان بھر میں اب تک متاثرہ افراد کی تعداد 3 ہوگئی ہے۔ یاد رہے کہ ایک دن پہلے پاکستان میں اس سال ایم پاکس کا پہلا مشتبہ کیس رپورٹ ہوا تھا جس کے بعد نیشنل کمانڈ اینڈ آپریشن سینٹر نے اس بیماری سے نمٹنے کے لیے اقدامات کے بارے میں ایک ایڈوائزری جاری کی۔  خیبر پختونخوا کے ڈائریکٹر جنرل ہیلتھ سروسز سلیم خان کا کہنا ہے کہ  مریضوں میں سے 2 میں ایم پوکس کی تصدیق ہوئی ہے۔ تیسرے مریض کے نمونے دارالحکومت اسلام آباد کے نیشنل ہیلتھ انسٹی ٹیوٹ کو تصدیق کے لیے بھیجے گئے ہیں، مزید بتایا کہ تینوں مریضوں کو قرنطینہ میں رکھا جا رہا ہے۔ بتایا جارہا ہے کہ متحدہ عرب امارات سے آنے والے مریضوں میں وائرل انفیکشن کی تشخیص ہوئی ہے۔