اٹک میں اسکول وین پر فائرنگ

اٹک کے علاقے ڈھیری کوٹ میں نامعلوم افراد نے اسکول وین پر فائرنگ کردی جس کے نتیجے میں 2 بچے جاں بحق جبکہ ڈرائیور سمیت 4 بچے زخمی ہوگئے جنہیں قریبی اسپتال منتقل کردیا گیا ہے۔ بچوں کی عمریں 10سے 12 سال کے درمیان بتائی جاتی ہیں۔ پولیس حکام کا کہنا ہے کہ یہ واقعہ ذاتی دشمنی کا لگتا ہے۔ فائرنگ ڈرائیور کے اوپر کی گئی جس میں بچوں کو بھی نقصان پہنچا، ملزم نامزد ہو چکے ہیں اور ان کی گرفتاری کے لیے چھاپے جاری ہیں، بہت جلد ان کو گرفتار کر لیا جائے گا۔  اسکول وین پر حملہ ڈرائیور کی ذاتی دشمنی کے باعث ہوا، گزشتہ ماہ اس دشمنی میں 2 افراد قتل ہوئے تھے، اسی قتل کا بدلہ لینے کے لیے وین ڈرائیور پر حملہ کیا گیا۔۔