لاہور پی ٹی آئی جلسہ ، 30 ستمبر تک فیصلہ کرنے کی ہدایت

لاہور ہائی کورٹ کے جسٹس فاروق حیدر نے پی ٹی آئی کے اکمل خان باری کی دائر درخواست پر سماعت کی۔ وکیل درخواست گزارکا کہنا تھا کہ  مینار پاکستان پر جلسہ کرنے کی درخواست ڈی سی لاہور کے پاس زیر التوا ہے۔  درخواست میں پنجاب حکومت اور ڈپٹی کمشنر لاہور سمیت دیگر کو فریق بنایا گیا تھا۔ درخواست گزار کا موقف ہے کہ  بانی پی ٹی آئی کی سالگرہ 5اکتوبر کو ہے اس لیے پرامن جلسہ کرنا چاہتے ہیں، مینار پاکستان میں شام 5 بجے سے لیکر رات 10 بجے تک جلسہ کرنے کی اجازت دی جائے۔  عدالت نے سرکاری وکیل کو ہدایت کی کہ 30 ستمبر تک ڈی سی لاہور اس درخواست پر فیصلہ کرکے لاہور ہائیکورٹ کے ڈپٹی رجسٹرار جوڈیشل کو اس حوالے سے رپورٹ جمع کروائیں۔