معیشت کی بحالی تمام پاکستانیوں کے لیے فائدہ مند ہے

نیویارک میں ٹی وی چینل کو انٹرویو دیتے ہوئے ڈونلڈ لو کا کہنا تھا کہ ہمارا پاکستانی عوام کے ساتھ گہرا تعلق ہے ، پاکستان جس معاشی بحالی سےگزر رہا ہے اس سے بہت حوصلہ ملا، معیشت کی بحالی نا صرف نوجوانوں بلکہ تمام پاکستانیوں کے لیے فائدہ مند ہے۔ امریکا کے اسسٹنٹ سیکریٹری آف اسٹیٹ برائے جنوبی و وسطی ایشیا امور ڈونلڈ لو کہتے ہیں کہ پاکستانی وزیرخزانہ محمد اورنگزیب سے تفصیلی ملاقات ہوئی ہےجس میں معاشی منصوبے اور اصلاحات سے متعلق جاننے کا موقع ملا، یہ منصوبے آسان نہیں لیکن یہ پاکستان کا مستقبل ہیں۔امریکا چاہتا ہے کہ پاکستان کامیاب ہو، شہباز شریف کی حکومت سے ہمارے گہرے تعلقات ہیں۔