اسلام آباد پر ہر چوتھے دن دھاوا بولنے کی اجازت نہیں ہوگی

اسلام آباد میں ڈی چوک پر میڈیا سے گفتگو کرتے ہوئے وقاقی وزیر داخلہ محسن نقوی کا کہنا تھا کہ آئی جی سے لے کر ہر پولیس والا الرٹ ہے، یہ جو کر رہے ہیں یہ طریقہ کار غلط ہے، ایسا نہیں ہوسکتا۔کل بھی درخواست کی تھی جلسے جلوس نہ کریں، کسی پولیس اہلکار کے پاس اسلحہ نہیں، جو لوگ آ رہے ہیں ان کے پاس اسلحہ ہے۔ وفاقی وزیر داخلہ کہتے ہیں کہ امید کرتا ہوں پی ٹی آئی ہوش کے ناخن لےگی، علی امین گنڈاپور کو سوچنا چاہیےکہ وہ کیا کر رہے ہیں، وزیراعلیٰ خیبرپختونخوا سے کسی نہ کسی سطح پررابطہ ہے، امید ہے کہ وزیر اعلیٰ خیبرپختونخوا بطورپاکستانی سوچیں گے۔ محسن نقوی کا کہنا تھا کہ باہر سے آئے ہوئے مہمانوں کی سیکیورٹی اہم ہے، اگر احتجاج کے لیے اجازت سے آتے تو پروٹوکول ملتا، اسلام آباد پر ہر چوتھے دن خیبرپختونخوا سے دھاوا بولنے کی اجازت نہیں دی جائےگی۔