پولیو کے 4 نئے کیسز ، رواں برس تعداد 32 ہوگئی

رواں برس پولیو کے  مرض سے متاثرہ بچوں کی تعداد 32 تک جا پہنچی ہے۔ نیشنل انسٹیٹیوٹ آف ہیلتھ کی نیشنل ریفرنس لیب نے 4 پولیو کیسز کی تصدیق کی ہے۔ سندھ سے 3 اور خیبرپختونخوا سے ایک پولیو کیس رپورٹ ہوا ہے۔ جیکب آباد کی یونین کونسل ٹھل 2 سے 2 کیس رپورٹ ہوئے ہیں، جہاں 32 ماہ کی بچی اور ڈیڑھ سال کا بچے میں وائرس ملا ہے، اس کے علاوہ صوبے سے تیسرا کیس ملیر کی یو سی ابراہیم حیدری سے رپورٹ ہوا، جہاں 6 سال کا بچہ اس وائرس سے متاثر ہوا۔یو سی ابراہیم حیدری کا پولیو سے متاثرہ بچہ انتقال کر چکا ہے۔ چوتھا کیس خیبرپختونخوا کے ضلع ڈیرہ اسماعیل سے رپورٹ ہوا، جہاں کی یو سی مورگہ میں 22 ماہ کے بچے میں پولیو کی تصدیق ہوئی ہے۔