امریکا کی کراچی ایئرپورٹ کے قریب دہشتگردی کی مذمت

امریکی محکمہ خارجہ کے ترجمان میتھیو ملرنے پریس بریفنگ کے دوران ایک سوال کے جواب میں بتایا کہ کراچی ہوائی اڈے کے قریب ہونے والے حملے کی مذمت کرتے ہیں اور جانوں کے ضیاع کا گہرا دکھ ہے۔ ان کا مزید کہنا تھا کہ یہ پاکستان میں ایک اور دہشت گردی کا حملہ ہے۔ میتھو ملر کہتے ہیں کہ دنیا بھر کی طرح پاکستان میں بھی آزادی اظہار، پُرامن احتجاج کی حمایت کرتے ہیں۔ مظاہرین سے مطالبہ کرتے ہیں کہ وہ پرامن احتجاج کریں اور تشدد سے گریز کریں، پاکستانی حکام سے بھی مطالبہ کرتے ہیں کہ انسانی حقوق اور بنیادی آزادی کا احترام کریں  اور اور آئین و قانون پر عملدرآمد کو یقینی بنائیں۔