سلمان خان نے 6 کروڑ روپے کی بلٹ پروف گاڑی خرید لی

شنوئی گینگ کیطرف  سے قتل کی دھمکیوں اور سیکیورٹی خدشات کی وجہ سے سلمان خان نے تقریباً 6 کروڑ 60 لاکھ روپے مالیت کی بلٹ پروف گاڑی خرید لی ہے۔ بھارتی میڈیا رپورٹس کے مطابق  سلمان خان نے بلٹ پروف نسان پٹرول ایس یو وی خریدی ہے۔ اور چونکہ یہ گاڑی بھارتی  مارکیٹ میں دستیاب نہیں ہے، اس لیے مبینہ طور پر اداکار اسے دبئی سے درآمد کررہے ہیں۔ کار کی قیمت 6 کروڑ 60 لاکھ پاکستانی روپے کے لگ بھگ ہے اور اندازہ لگایا گیا ہے کہ کار کو بھارت جلد پہنچانے کےلیے بھی ایک بڑی رقم خرچ کی جائے گی۔ اس گاڑی کی خصوصیت یہ ہے کہ گاڑی میں میں کئی جدید حفاظتی فیچرز ہیں، جیسے دھماکہ خیز الرٹ انڈیکیٹر، پوائنٹ بلین بلٹس کو روکنے کےلیے موٹی شیشے کی شیلڈز اور مسافروں کی شناخت چھپانے کےلیے کیموفلاج بلیک شیلڈز جیسے فیچرز شامل ہیں۔ یاد رہے کہ سلمان نے 2023 میں بھی متحدہ عرب امارات سے ایک بلٹ پروف کار خرید کر درآمد کی تھی، جب انہیں اور ان کے والد سلیم خان کو پہلی بار بشنوئی گینگ کی جانب سے جان سے مارنے کی دھمکیاں موصول ہوئی تھیں۔ معلوم ہوا ہے کہ سلمان خان بشنوئی گینگ کی جانب سے قتل کی نئی دھمکیوں کے بعد اپنی حفاظت کے معاملے کو بہت سنجیدگی سے لے رہے ہیں۔ اداکار پچھلے کچھ عرصے سے لارنس بشنوئی گینگ کے ریڈار پر ہیں۔ گزشتہ دنوں ان کے دوست اور سیاسی رہنما بابا صدیقی کے قتل کے بعد انھیں جان سے مارنے کی تازہ دھمکیاں بھی موصول ہوئیں، جس کے بعد ان کی سیکورٹی بڑھا دی گئی ہے۔ دوسری طرف معلوم ہوا ہے کہ جانی فائر فاکس فلم پروڈکشن ہاؤس کی جانب سے اعلان کیا گیا ہے کہ بشنوئی گینگ کے جرائم کی کہانی کو جلد ٹی وی اسکرین پر پیش کیا جائے گا۔اس سلسلے میں پروڈکشن ہاؤس ’’لارنس ۔ ایک گینگسٹر اسٹوری‘‘ کے نام سے بشنوئی کی زندگی پر مبنی ویب سیریز ریلیز کرے گا۔