آئینی بینچ میثاق جمہوریت کے وژن کی تکمیل ہے، وزیراعظم

وفاقی کابینہ کے اجلاس  سے گفتگو کرتے ہوئے وزیراعظم ن شہباز شریف کا کہنا تھا کہ پارلیمنٹ سے 26 ویں آئینی ترمیم کی منظوری پر مبارکباد پیش کرنا چاہتا ہوں، انہوں نے کہاکہ یقیناً اس آئینی ترمیم سے عام آدمی، جس کے قانونی معاملات سالوں سے لٹکے ہوئے ہیں، اس کو انصاف نہیں ملتا، خاص طور پر جو وسائل نہیں رکھتا، جس کی کوئی شنوائی نہیں ہے، اس حوالے سے آئینی ترمیم کی منظوری اور آئینی بینچ کی تشکیل سے عام آدمی کو آسانی ہوگی اور ان کے معاملات جلد طے ہونے کی قوی امید ہے۔ وزیراعظم شہباز شریف مزید کہتے ہیں کہ 2006 میں لندن میں شہید بینظیر بھٹو اور میاں نوازشریف کے درمیان میثاق جمہوریت پر جو دستخط ہوئے تھے، یہ اس وژن کی بھی تکمیل ہے اور اس وژن کی سچائی کی گواہی ہے۔