پی ٹی آئی رہنماؤں کو بانی سے ملاقات کی اجازت،احتجاجی قافلہ رواں دواں

تحریکِ انصاف کے رہنماؤں کو بانی پی ٹی آئی سے ملاقات کی اجازت مل گئی۔ملاقات کرنے والوں میں چیئرمین تحریکِ انصاف بیرسٹر گوہر اور ترجمان کے پی حکومت بیرسٹر سیف شامل ہیں۔ دوسری جانب تحریکِ انصاف کا احتجاج دوسرے روز میں داخل ہو گیا۔پی ٹی آئی کے احتجاج کے باعث اسلام آباد اور راولپنڈی کو ملانے والے راستے دوسرے دن  بھی بند ہیں۔ اُدھراسلام آباد میں احتجاج کے لیے پی ٹی آئی کا قافلہ بشریٰ بی بی اور علی امین گنڈاپور کی قیادت میں ہزارہ انٹرچینج سے ایم ون پر روانہ ہو گیا ہے۔ بشریٰ بی بی کا کہنا ہے کہ جب تک خان ہمارے پاس نہیں آ جاتے ہم نے اس مارچ کو ختم نہیں کرنا۔میں اپنی آخری سانس تک اس مارچ میں کھڑی رہوں گی۔ آپ لوگوں نے میرا ساتھ دینا ہے، کوئی میرا ساتھ نہیں دے گا تب بھی میں کھڑی رہوں گی۔