وزیرخزانہ کی بینکوں کو صبر کی تقلین

اسلام آباد میں تقریب سے خطاب کرتے ہوئے وفاقی  وزیرخزانہ محمد اورنگزیب کا کہنا تھا کہ  بینک تھوڑا سا حوصلہ رکھیں، حکومت کاروبار نہیں کرے گی نجی شعبہ ہی یہ کام کرے گا، حکومت نجی شعبے کو آگے لانا چاہتی ہے۔  تمام بینکاروں سے گزارش ہے کہ دیوالیہ اداروں کی بحالی کو ترجیح دی جائے، عدالت میں جانے سے پہلے اداروں کی بحالی کے لیے اقدامات کریں۔ انہوں نے اس عزم کا اظہار کیا کہ پاکستان نے جڑواں خساروں پر قابو پا لیا، مارکیٹ بیسڈ ایکسچینج ریٹ نافذ ہے، زرِمبادلہ کے ذخائر ڈھائی ماہ کی درآمدات کے لیے کافی ہیں۔معاشی ترقی میں نجی شعبے کی حوصلہ افزائی کر رہے ہیں، ملکی معیشت استحکام کی جانب گامزن ہے۔ وزیر خزانہ کہتے ہیں کہ کہ حکومت نجی شعبے کو مکمل سپورٹ فراہم کرے گی، حکومت ملک میں کاروبار کا فروغ چاہتی ہے، ملک میں قرض کے نفاذ اوردیوالیہ اداروں کی ملکیت کے قوانین کے اطلاق کی ضرورت ہے۔ حکومت چاہتی ہے کہ مشاورت سے آگے بڑھا جائے۔