گالی گلوچ اور پگڑیاں اچھالنے کا سبق دینے والا نوجوانوں کا ہمدرد نہیں

اسلام آباد میں ہونہار اسکالرشپ پروگرام کی افتتاحی تقریب میں طلبہ و طالبات سے خطاب کرتے ہوئے مریم نوازکا کہنا تھا کہ کیا کوئی ماں اپنے بچوں سے یہ کہے گی کہ جلادو، آگ لگادو، سر توڑ دو، ہاتھ میں ڈنڈے اور پیٹرول بم پکڑلو، اور پھر اس کے بعد اپنے بچے آرام سے بیٹھے ہیں اور لوگوں کے بچے جیلوں میں رُل رہے ہوتے ہیں، یہ مستقبل میں آپ کے لیے بالکل بھی نہیں چاہتی، نہ یہ راستہ آپ نے اپنے لیے چننا ہے۔ گالی دینا، گریبان پکڑلینا، بڑے چھوٹے کا لحاظ نہ کرنا ہماری اخلاقیات نہیں ہیں، ہماری ایک قومی اخلاقیات اور پہچان ہونی چاہیے۔ مریم نواز کے مطابق اب مجھ پر کسی گالی کسی نعرے کاکوئی اثر نہیں ہوتا، میں نے جیلیں بھی برداشت کرلیں، عدالتوں کے دھکے بھی کھائے، چار پانچ سال کوئی چھوٹا عرصہ نہیں ہوتا، اپنے مخالفین کا شکریہ ادا کرنا چاہیے جنہوں نے مجھے اتنا طاقتور بنایا۔