جانوروں کا ہی نہیں سیاسی جماعتوں کی بیماریوں کا بھی اچھا علاج کریں گے

پاک پتن میں تقریب سے خطاب کرتے ہوئے وزیراعلیٰ پنجاب مریم نواز کا کہنا تھا کہ صوبے میں آٹے اور روٹی کی قیمت بڑھنے نہیں دی، باقی صوبوں میں بڑھ گئی ہے، پاکستان میں مہنگائی کم ہوئی ہے، اسٹاک مارکیٹ نے 76 سال کا ریکارڈ توڑ دیا ہے۔ نواز شریف دور کے بعد معیشت کے حوالے سے ایک بار پھر اچھی خبریں مل رہی ہیں ، آج نواز شریف کی بیٹی کی حکومت میں عوام کو ترقیاتی اسکیموں کا ثمر مل رہا ہے۔ مریم نواز کہتی ہیں کہ  لائیو اسٹاک اسکیم کارڈ حاصل کرنے والوں میں 2 خواتین بھی شامل ہیں، لائیو اسٹاک پروگرام کے لیے بڑی شرائط نہیں رکھیں، 90 ہزار لوگوں کو لائیو اسٹاک کارڈ دیے جائیں گے۔ انہوں نےمزید کہا کہ ناصرف جانوروں کی بیماریوں کا علاج کریں گے بلکہ کئی سیاسی جماعتوں کو جو بیماریاں ہیں اس کا بھی اچھا علاج کریں گے۔