دوسرا ٹیسٹ: ویسٹ انڈیزکے ہاتھوں پاکستان کو شکست

ملتان کرکٹ اسٹیڈیم میں کھیلے گئے میچ میں ویسٹ انڈیز کی جانب سے دیے گئے 254 رنز کے ہدف کے تعاقب میں پاکستان کی ٹیم صرف 133 رنزہی  بنا سکی۔  یوں دوسرے ٹیسٹ میچ میں ویسٹ انڈیز نے پاکستان کو 120 رنز سے شکست دی۔  تیسرے دن کے کھیل کے آغاز میں ہی سعود شکیل 76 کے مجموعے پر 13 رنز بنا کر آؤٹ ہوئے۔ ان کے بعد پھر  فاسٹ بولر کاشف علی بھی 1 رن بنا کر پویلین لوٹ گئے۔ 115 رنز پرسلمان علی آغا بھی 15 رنز بنا آؤٹ ہو گئے۔ ان کے بعد 122 رنز پر محمد رضوان بھی 25 رنز بنا کر پویلین چل دیے۔ نعمان علی نے 6 رنز بنائے جبکہ  پاکستان کے آؤٹ ہونے والے آخری کھلاڑی ساجد خان تھے، انہوں نے 7 رنز بنائے۔ویسٹ انڈیز کے جومیل واریکن نے 5، کیون سنکلیئر نے 3 اور گداکیش موٹی نے 2 وکٹیں حاصل کیں۔ یوں ویسٹ انڈیزنےپاکستان کو دوسرے ٹیسٹ میں شکست دے دی،ویسٹ انڈیز نے 35 سال بعد پاکستان کی سرزمین پر ٹیسٹ میچ جیت لیا۔ پاکستان اور ویسٹ انڈیز کے درمیان دو میچوں کی سیریز 1-1 سے برابر ہوگئی۔