اپوزیشن سے درخواست کرتا ہوں مذاکرات کا راستہ نکالا جائے

اسلام آباد میں پریس کانفرنس کرتے ہوئے اسپیکر قومی اسمبلی ایاز صادق کا کہنا تھا کہ انہوں نے  پی ٹی آئی سے رابطہ کیا ہے، انہوں نے کہا ہے کہ ہم اپنی اعلیٰ قیادت سے رابطہ کر کے بتائیں گے، اپنا اجلاس کریں گے اس میں دیکھتے ہیں کیا ہوتا ہے۔ ایاز صادق کا کہنا تھا کہ امید تھی کہ  آج اپوزیشن کے دوست تشریف لائیں گے، آج 45 منٹ انتظار کیا، میسج بھی کیا، وہ نہیں آئے، مذاکرات ہی واحد راستہ ہے جس پر آگے بڑھ سکتے ہیں۔اپوزیشن سے درخواست کرتا ہوں مذاکرات کا راستہ نکالا جائے۔اسپیکر قومی اسمبلی نے کہا کہ گزشتہ اجلاس میں فیصلہ ہوا تھا کہ 7 ورکنگ دنوں میں دوبارہ اجلاس ہوگا، آج 7 دن پورے ہوگئے، اس متعلق ہم نے سب کو اجلاس کی دعوت دی۔اس موقع پر گفتگو کرتے ہوئے وزیرِ خارجہ اسحاق ڈار نے کہا کہ اُمید ہے اپوزیشن اسپیکر سے رابطہ کرے گی، مناسب نہیں کہ ان کی غیرموجودگی میں ہم یک طرفہ بیان دیں۔