نجکاری سےبہت سے دیگرشعبوں میں ترقی ممکن ہوگی

کراچی میں بینکنگ سمٹ سے خطاب کرتے ہوئے  وفاقی وزیر خزانہ محمد اورنگزیب کا کہنا تھا کہ حکومت کو بینکنگ سیکٹر سے 30 ارب روپے جمع کرکے دیے، بینکنگ سیکٹر کا قومی معیشت میں اہم کردار ہے، بینکنگ سیکٹرنےٹیکس ادائیگی میں تیل وگیس کےشعبےکوپیچھے چھوڑ دیا، یہ شعبہ دستاویز معیشت کے فارمولے پر کام کرتا ہے۔ وزیرخزانہ محمد اورنگزیب کے مطابق  اسمگلنگ روکنے کیلیے سرحدوں پرسیکیورٹی سخت کردی، پہلی بار افغانستان چینی اسمگل نہیں برآمد ہوئی۔ اُن کا مزید کہنا تھا کہ حکومت نجی شعبےکی ہرممکن حوصلہ افزائی کررہی ہے۔ نجکاری سےبہت سے دیگرشعبوں میں ترقی ممکن ہوگی،ہمیں اب پائیداراورشمولیتی ترقی کی جانب بڑھنا ہے۔ وفاقی وزیرخزانہ نے کہا کہ ٹیکس کا بوجھ مسلسل تنخواہ دار طبقے پر ہے، جسے اب کم کرنا ہے، ٹیکس دائرہ کار کو مزید وسعت دے رہے ہیں۔