سابق سینیٹر مشتاق احمد خان کے بڑے بھائی فائرنگ سے جاں بحق

ڈی پی او صوابی محمد اظہر کے مطابق سینیٹر مشتاق احمد خان کے بڑے بھائی شکیل احمد خان ہمسائے کی فائرنگ سے جاں بحق ہو گئے۔ ملزم کامران  نے پہلے اپنے والد کو گولی مار کر ہلاک کیا، مقتول شکیل خان صلح کرانے کے لیے گئے تھے لیکن باپ اور بیٹے کے درمیان ہونے والے اس جھگڑے کی بنا پرشکیل خان خود بھی فائرنگ کا نشانہ بن گئے۔ ڈی پی او صوابی کے مطابق ملزم نشے کا عادی ہے اور اس کا ذہنی  توازن بھی مکمل درست نہیں ہے، ملزم کی کی گرفتاری جلد یقینی بنائے گی۔ اُدھر  جماعت اسلامی خیبرپختونخوا کے سابق امیر اور سابق سینیٹر مشتاق احمد خان کے بڑے بھائی شکیل خان کے قتل کے واقعےکی ایف آئی آر درج کرلی گئی۔  واقعے کی ایف آئی آر تھانا کالو خان صوابی میں درج کی گئی۔  مدعی مقدمہ کے مطابق ملزم کامران نے گھر کے باہر شکیل خان کو فائرنگ کا نشانہ بنایا۔