پاکستان اسٹاک ایکسچینج میں ریکارڈ ساز تیزی

کاروباری ہفتے کے آخری روز  بازارِ حصص میں کاروبار میں  زبردست تیزی کا رجحان دیکھا جا رہا ہے۔ مارکیٹ کا آغاز جمعہ کو  1847.15 پوائنٹس کے اضافے سے 120785.26  پوائنٹس سے ہوا۔بعد ازاں پی ایس ایکس میں کے ایس ای 100 انڈیکس 1344.41 پوائنٹس   کا اضافہ ہونے سے 120282.52 پوائنٹس کی سطح کو چھو گیا، جو اسٹاک ایکسچینج کی نئی بلند ترین سطح ہے۔ پاکستان اسٹاک ایکسچینج میں منافعے کے حصول کے لیے فروخت کا رجحان  بڑھ گیا اور کے ایس ای 100 انڈیکس ایک لاکھ 20 ہزار پوائنٹس کی سطح برقرار نہیں  رکھ سکا ۔ 1039 پوائنٹس تک محدود ہونے سے انڈیکس ایک لاکھ 19 ہزار 977 پوائنٹس پر پہنچ گیا۔ یاد رہے کہ امریکی صدر کی طرف سے 180 ممالک پر جوابی ٹیرف عائد کرنے کے باوجود جمعرات کو بھی پی ایس ایکس میں 100 انڈیکس نئی بلند ترین سطح کو چھو گیا تھا۔