روسی وزیر یوگنی زینے شف کیمرامین کی جان بچاتے ہوئے چل بسے

روس کے 55 برس کے وزیر برائے ایمرجنسی  یوگنی زینے شف ایک فوجی مہم کے سلسلے میں سمندری علاقے  آرکٹک کا دورہ کررہے تھے ، جہاں انہوں نے فوجی مشقوں کا جائزہ بھی لیا ۔ اسی دوران روسی ٹی وی کو انٹرویو دینے کے لیے انہوں نے پہاڑی چوٹی کا انتخاب کیا ۔ انٹرویو کے دوران کیمرامین توازن برقرار نہ رکھ پایا اور سمندر میں گرنے لگا ، جس کو بچانے کے خاطر روسی وزیر نے چوٹی سے چھلانگ لگائی ، جس کی وجہ سے ان کا سر بھاری چٹان سے ٹکرایا اور وہ زندگی کی بازی ہار بیٹھے ۔ اس حادثے میں کیمرا مین بھی ہلاک ہوگیا ۔  روسی میڈیا کے مطابق  وزیر برائے ایمرجنسی ،  سرکاری ذمے داری نبھاتے ہوئے موت کی آغوش میں چلے گئے ، جس پر پورا ملک اداس اور سوگوار ہے ۔ روسی صدر پیوٹن نے بھی وزیر یوگنی زینے شیف کی اچانک حادثاتی موت پر گہرے دکھ کا اظہار کیا ۔

آنجہانی یوگنی زینے شیف  2018 سے بطور وزیر کام کررہے تھے ۔ جن کے ذمے صدر پیوٹن کی سیکوریٹی کے انتظامات کی ذمے داری بھی شامل تھی ۔ اُن کا کیرئیر 1980 میں کے جی بی افسر کی حیثیت سے شروع ہوا ۔ جبکہ وہ فیڈرل سیکوریٹی سروس میں بھی خدمات انجام دیتے رہے ۔