عامر خان کی نئی گرل فرینڈ کون ہے؟

عامر خان نے عمر کی  60 بہاریں دیکھ لیں اس خاص موقع پر انہوں نے میڈیا کے ساتھ ملاقات اور مبارکباد کے ایک سیشن کی میزبانی کی، جس کی خاص بات اداکار کی گرل فرینڈ گوری رہیں، جن کے متعلق عامر خان کا دعویٰ ہے کہ ان سے ان کی ملاقات 25 سال قبل ہوئی تھی۔ عامر خان کے مطاب وہ گوری سے 25 سال پہلے ملے تھے اور اب پارٹنر ہیں۔ ایک دوسرے سے بہت سنجیدگی کے ساتھ وابستہ ہیں، ڈیڑھ سال سے ساتھ ہیں۔ بھارتی میڈیا رپورٹس کے مطابق عامر خان نے منگل کو اپنی گرل فرینڈ کو شاہ رخ خان اور سلمان خان سے ممبئی کے اپنے گھر پر ملوایا تھا، اپنی گرل فرینڈ کے بارے میں عامر خان کا کہنا ہے کہ  کہ گوری پروڈکشن میں کام کرتی ہیں۔

میڈیا سے گفتگو کے دوران عامر خان اپنی مشہور فلم ” لگان ”  کے اپنے کردار بھوون کا ذکر کرتے ہوئے بولے  کہ بھون کو اپنی گوری مل گئی، یہاں انہوں نے اداکارہ گریسی سنگھ کی جانب سے اسی فلم میں نبھائے گئے گوری کے کردار کا حوالہ دیا، جو بھون سے محبت کرتی تھی۔ عامر خان نے اپنی پارٹنر گوری کے لیے اس موقع پر  ساحر لدھیانوی کے لکھے امر گیت ’کبھی کبھی میرے دل میں‘ بھی گنگنایا۔عامر خان کی پہلی شادی فلم پروڈیوسر رینا دتہ سے ہوئی تھی، جن سے ان کے دو بچے جنید اور ایرا خان ہیں جبکہ عامر خان کی 2005 میں ہونیوالی ہدایتکار کرن راؤ سے دوسری شادی 2021 میں علیحدگی پر منتج ہوئی تھی، دونوں اپنے بیٹے آزاد کی مشترکہ پرورش کی ذمہ داری نبھا رہے ہیں۔