ایف آئی اے کی کارروائی، ملزم ارمغان کی ایک اور قیمتی گاڑی برآمد

وفاقی تحقیقاتی ادارے کے اینٹی منی لانڈرنگ سیل نے کراچی کے علاقے  قائد آباد میں کارروائی کرتے ہوئے مصطفیٰ قتل کیس کے مرکزی ملزم ارمغان قریشی کی فورڈ ریپٹر گاڑی برآمد کر لی۔ جس کی مالیت کم سے کم ڈھائی کروڑ روپے ہے، اس سے قبل گھر سے برآمد گاڑی کی مالیت بھی ڈھائی کروڑ سے زائد تھی۔ میڈیا رپورٹس کے مطابق ملزم ارمغان سے تحقیقات کے دوران کئی گاڑیوں کی خریداری کامعلوم ہوا ہے ، ارمغان نے گاڑی کو قائدآباد میں چھپا رکھا تھا،ایف آئی اے ٹیم نے اسپیشلائزڈ یونٹ کے ہمراہ کارروائی کی۔ گاڑی غیر قانونی طریقے سے کمائی گئی رقم سے لی گئی تھی، برآمد شدہ گاڑی کو ایف آئی اے سیل منتقل کر دیا گیا۔