بابراعظم کی ٹیسٹ درجہ بندی میں تنزلی

انٹرنیشنل کرکٹ کونسل نے ٹیسٹ کھلاڑیوں کی نئی درجہ بندی جاری کردی جس کے مطابق پاکستانی بلے باز بابراعظم کی 6 درجے کی تنزلی ہوئی ہے۔ اس نئی درجہ بندی کے مطابق  بابر اعظم تیسرے سے 9 ویں  نمبر پر چلے گئے۔ محمد رضوان کی درجہ بندی  میں 7 درجے بہتری آئی ہے،

عثمان خواجہ اور محمد رضوان کے یکساں پوائنٹ کے ساتھ 10 ویں  اور 11 ویں نمبر پر ہیں۔ سعود شکیل کی درجہ بندی  میں بھی بہتری آئی ہے وہ 14 ویں سے 13 ویں نمبر آ گئے۔ یاد رہے کہ اس ٹیسٹ درجہ بندی میں برطانوی بلے باز جو روٹ پہلے اور نیوزی لینڈ کے کین ولیم سن دوسرے نمبر پر ہیں۔ نیوزی لینڈ کے ڈیرل مچل تیسرے نمبر ہیں جبکہ ہیری بروک 3 درجے ترقی کے بعد چوتھے نمبر پر آ گئے ہیں۔