بلاول بھٹو زرداری نے واشنگٹن میں ہونے والی تقریب کی تصاویر اور ویڈیو سوشل میڈیا پر شیئر کی ہے۔جن میں دیکھا جاسکتا ہے کہ بلاول بھٹو زرداری تقریب کے دوران پہلی میز پر دیگر رہنماؤں کے ساتھ موجود ہیں۔ سابق وزیر خارجہ بلاول بھٹو نے کیپشن میں لکھا کہ واشنگٹن ڈی سی میں قومی دعائیہ ناشتے میں شرکت کر کے خوشی ہوئی، تقریب کے دوران صدر کی افتتاحی تقریر سننے اور میں نے اختتام پر تقریر کرنے کا اعزاز حاصل کیا۔ بین المذاہب ہم آہنگی میری والدہ کے لیے بہت معنی رکھتی تھی اور مجھے فخر ہے کہ میں اپنے دوستوں کے ساتھ دعائیہ ناشتے پر اس روایت کو جاری رکھے ہوئے ہوں۔ میڈیا رپورٹس کے مطابق بلاول بھٹو زرداری نے قومی دعائیہ ناشتے کی تقریب میں امریکی حکام سمیت دنیا بھر کے رہنماؤں سے اہم ملاقاتیں کی ہیں، ان کی اراکینِ کانگریس سے بھی ملاقاتیں ہوئیں۔ امریکا میں ہونے والے نیشنل پریئر بریک فاسٹ کی تقریب میں دنیا بھر سے اہم ترین شخصیات تھیں۔
View this post on Instagram
Discussion about this post