مشترکہ مسودہ پیش کرنے کی کوشش کررہے ہیں

اسلام آباد میں پریس کانفرنس کرتے ہوئے بلاول بھٹو کا کہنا تھا کہ کمیٹی میں تمام جماعتوں نے اپنی رائے کا اظہار کیا، پیپلز پارٹی نے اپنا ڈرافٹ کمیٹی میں پیش کیا۔حکومت نے بھی وکلا تنظیموں سے ہونے والی مشاورت سے آگاہ کیا، وزیر قانون نے وکلا برادری کی تجاویز بھی پیش کیں، کمیٹی میں حکومت کی تجاویز بھی آئیں۔ مولانا فضل الرحمٰن نے دوبارہ مؤقف دہرایا کہ وہ پیپلز پارٹی کو شامل کر کے مسودہ دینا چاہتے ہیں۔ بلاول بھٹو کا مزید کہنا تھا کہ وزیر قانون نے واضح کہا کہ حکومت کے پاس نمبرز پورے ہیں، وزیر قانون نے کہا نمبرز پورے ہونے کے باوجود دیگر جماعتوں کے ساتھ مشترکہ ترمیم کی کوششیں ہورہی ہیں، اگر حکومت واقعی دو تہائی اکثریت رکھتی ہے اور مشترکہ مسودہ لاناچاہتی ہے تو یہ بہترین کام ہے۔