چیئرمین پی ٹی آئی کے پروڈکشن آرڈر جاری

تحریک انصاف کے چیئرمین کی توہین الیکشن کمیشن میں حاضری کے لیے پروڈکشن آرڈر جبکہ سابق وفاقی وزیر فواد چوہدری کے قابل ضمانت وارنٹ جاری کردئے گئے۔ سپرنٹنڈنٹ اڈیالہ جیل کو چیئرمین پی ٹی ائی کو 24 اکتوبر کو پیش کرنے کی ہدایت کی گئی ہے۔ ‏ پیشی کے موقع پر سیکیورٹی کے لیے ائی جی اسلام اباد اور ائی جی پنجاب کو مراسلہ بھی لکھ دیا ہے۔ اُدھر فواد چوہدری کے قابل ضمانت وارنٹ گرفتاری جاری  کردیے گئے ہیں ساتھ ہی انہیں 50 ہزار روپے کے2 مچلکے جمع کرانے کی بھی ہدایت کردی۔  الیکشن کمیشن نے قابل ضمانت وارنٹ گرفتاری کی تعمیل کے لیے ائی جی اسلام اباد کو بھی خط لکھ دیا جس میں کہا گیا ہے کہ ائی جی اسلام اباد فواد چوہدری کو 24 اکتوبر کو الیکشن کمیشن میں پیش کریں ۔