اب پاکستانی صارفین بھی فیس بک سے کماسکیں گے

وزیرخارجہ بلاول بھٹو زرداری نے خوش خبری سنائی ہے کہ پاکستان کے فیس بک صارفین نئے فیچر اسٹار کے ذریعے مونی ٹائزیشن کے بعد اپنی پوسٹ کا معاوضہ حاصل کرنے کے اہل ہوں گے۔ بلاول بھٹو زرداری نے سنگاپور میں فیس بک کے میٹا ایشیا پیسیفک ہیڈکوارٹر کا دورہ کیا اور میٹا کے نمائندگان سے ملاقات  بھی کی۔ جس کے نتیجے میں وزیرخارجہ بلاول بھٹو زرداری نے یہ خوش خبری سنائی۔ ویڈیو پیغام میں بلاول بھٹو زرداری کہتے ہیں کہ اب میٹا کمپنی کی  فیس بک سے اپنے مواد پر کمائی کی جاسکے گی۔ وزیرخارجہ کے مطابق انسٹاگرام اور فیس بک کی مالک کمپنی میٹا جلد پاکستان میں سرمایہ کاری کرے گی جب کہ پاکستان میں مونی ٹائزیشن کے لیے  ” اسٹارز پروگرام ” کا آغاز بھی کر دیا گیا۔

BIG NEWS for 🇵🇰 from @Meta in Singapore. From now on Pakistani creators on @facebook can earn money of their content through new Facebook stars feature. Thrilled to be the first Pakistan official to visit Meta & get to share this news with you.Thanks team meta for inviting me. pic.twitter.com/GAlb5CmIYL

— BilawalBhuttoZardari (@BBhuttoZardari) December 10, 2022

بلاول بھٹو زرداری کا کہنا تھا کہ  ” اسٹارز پروگرام ” کے تحت جو بھی پاکستانی صارفین فیس بک پر اپنی تخلیقات ویڈیو کی صورت میں شیئر کریں گے اور دیکھنے والے انھیں جتنے اسٹارز دیں گے اس اعتبار  سے ویڈیو اپ لوڈ کرنے والے کو رقم ملے گی۔ بلاول بھٹو زرداری کا مزید کہنا تھا کہ پاکستانی نوجوان اس موقع سے فائدہ اٹھاتے ہوئےسوشل میڈیا پلیٹ فارمز کو معقوم کاموں کے لیے استعمال کرکے اپنی آمدنی میں اضافہ کرسکتے ہیں۔ بالخصوص وہ خواتین جو گھر میں ہوتی ہیں۔