فرحان ملک کاغیرملکیوں سے فراڈ کے مقدمے میں 5 روزہ جسمانی ریمانڈ

ایف آئی اے نے فرحان ملک کو کراچی میں جوڈیشل مجسٹریٹ ملیر کی عدالت میں پیش کیا، ایک اور  مقدمے میں فرحان ملک پر کال سینٹر کے ذریعے غیرملکیوں سے فراڈ کا الزام عائد کیا گیا ہے۔ فرحان ملک کے خلاف درج ایف آئی آر کے مطابق 25 مارچ کو گلشن اقبال میں ایک کال سینٹر پر چھاپہ مارا گیا تھا، اس دوران 2 ملزمان اطیر حسین اور حسن نجیب کو گرفتار گیا ہے۔ گرفتار ملزمان غیر ملکیوں سے فراڈ میں ملوث ہیں، سوفٹ ویئر کے ذریعے غیر ملکیوں سے ان کا خفیہ ڈیٹا حاصل کیا جارہا تھا،گرفتار ملزمان نے بتایا ہے کہ یہ کام فرحان گوہر ملک کے کہنے پر ہورہا ہے، ملزمان فراڈ اور دھوکہ دہی میں ملوث ہیں۔

مبینہ کال سینٹر کے ذریعے غیرملکیوں سے فراڈ کے مقدمے میں صحافی فرحان ملک کو 5 روز جسمانی ریمانڈ پر ایف آئی اے کے حوالے کردیا گیا ہے ۔ یاد رہے کہ منگل کو  جوڈیشل مجسٹریٹ کراچی شرقی کی عدالت نے فرحان ملک کو 14 روزہ عدالتی ریمانڈ پر جیل بھیجتے ہوئے ان کی درخواست ضمانت پر نوٹس جاری کردیے تھے۔