فیفا نے پھر پاکستان فٹبال فیڈریشن کی رکنیت معطل کردی

فٹ بال کی عالمی تنظیم فیفا کی طرف  سے جاری بیان میں کہا گیا ہے کہ پی ایف ایف کو فوری طور پر معطل کیا جارہا ہے  کیونکہ وہ اپنے آئین پر نظر ثانی کرنے میں ناکام رہا ہے جس سے حقیقی معنوں میں منصفانہ اور جمہوری انتخابات کو یقینی بنایا جا سکے گا اور اس طرح پی ایف ایف کو معمول پر لانے کے جاری عمل کے حصے کے طور پر فیفا کی ذمہ داریوں کو پورا کیا جا سکے گا۔یہ معطلی صرف اسی صورت اٹھائی جائے گی جب پی ایف ایف کی کانگریس فیفا اور اے ایف سی کی طرف سے تجویز کردہ آئین کی منظوری دے گی۔ یاد رہے کہ  فیفا نے پی ایف ایف این سی کو انتخابات کرانے کے لیے 15 فروری تک کا وقت دیا تھا لیکن کانگریس کی جانب سے ترامیم کو رد کیے جانے پر یہ عمل روک دیا گیا تھا۔  مسترد کیے جانے کے بعد یہ عمل روک دیا گیا تھا۔۔ پی ایف ایف 2015 سے بحران اور تنازعات میں الجھا  ہوا ہے اور 2017 کے بعد یہ تیسرا موقع ہے جب پاکستان کو معطل کیا گیا ہے۔