پروفیسر ڈاکٹر شازیہ بشیر کو گورنمنٹ کالج یونیورسٹی جی سی یو لاہور کا قائم مقام وائس چانسلر مقرر کردیا، یونیورسٹی کی 160 سالہ تاریخ میں پہلی مرتبہ خاتون سربراہ کا تقرر کیا گیا ہے۔پروفیسر ڈاکٹر شازیہ بشیر جی سی یو لاہور میں 1996 سے وابستہ ہیں۔ اس سے پہلے وہ شعبہ ریاضی اور فزیکل سائنسز کی ڈین رہ چکی ہیں، طبعیات میں ماسٹرز کی ڈگری گورنمنٹ کالج یونیورسٹی لاہور سے حاصل کی۔ ایم فل یونیورسٹی آف انجینئرنگ اینڈ ٹیکنالوجی لاہور اور پی ایچ ڈی کی ڈگری آسٹریا کی ٹیکنیکل یونیورسٹی ویانا سے حاصل کی۔ سینٹر فار ایڈوانسڈ سٹڈیز ان فزکس اور انسٹی ٹیوٹ آف فزکس کے ڈائریکٹر اور شعبہ طبعیات کی چیئرپرسن کے طور پر انہوں نے شعبے میں تحقیق پر نمایاں کام کیا، ان کے 150 تحقیقی مقالہ جات نامور عالمی جرائد میں شائع ہوچکے ہیں۔ پروفیسر ڈاکٹر شازیہ بشیر کی گورنر پنجاب نے 4 ماہ کے لیے باقاعدہ طور پر وائس چانسلر کی تقرری کی ہے۔
Discussion about this post