پی ٹی آئی احتجاج : زخمیوں کی تعداد جاری

اسلام آباد کے 3 اسپتالوں میں 10 جاں بحق افراد اور 71 زخمی لائے گئے۔ پی ٹی آئی احتجاج کے دوران سیکیورٹی فورسز کے ساتھ جھڑپ میں 6 سول اور 4 سیکیورٹی فورسز کے اہلکار جاں بحق ہوئے۔ پمز، پولی کلینک اور سی ڈی اے اسپتال میں کل 44 سول زخمیوں کی اطلاع ہے جبکہ 27 سیکیورٹی فورسز کے زخمی اہلکار لائے گئے ہیں۔ سی ڈی اے اسپتال میں 2 سول زخمی افراد لائے گئے جن میں ایک آنسو گیس شیل سے زخمی ہوا اور ایک کو کندھے میں گولی لگی۔  پمز اسپتال میں 27 پولیس اہلکار اور 14 سول زخمی افراد لائے گئے ہیں ۔ اسپتال لائے گئے 7 جاں بحق افراد میں سے 4 سیکیورٹی اہلکار اور 3 سول افراد شامل ہیں۔ پولی کلینک میں 3 جاں بحق اور 28 سول افراد زخمی حالت میں لائے گئے۔ دوسری جانب پولی کلینک نے سوشل میڈیا پر زخمیوں سے متعلق خبروں کو من گھڑت اور جھوٹا قرار دیا ہے۔  یاد رہے کہ منگل اور بدھ کی  شب مظاہرین کے خلاف آپریشن کے دوران پی ٹی آئی نے اسلام آباد احتجاج کو منسوخ کرنے کا اعلان کیا۔