آئی فون 16 سیریز کا سب سے سستا ماڈل

نیا آئی فون سفید اور سیاہ رنگوں میں 28 فروری سے مختلف ممالک میں فروخت کے لیے پیش کیا جارہا ہے جس کی قیمت 599 ڈالرز سے شروع ہو گی۔ اپیل نے نئے فون میں جدید اور ماڈرن ڈیزائنز اور اپ ڈیٹڈ فیچرز کا وعدہ کیا ہے، آئی فون 16 ای کا ڈیزائن آئی فون 16 جیسا ہی ہے۔ اس فون میں 48 میگا پکسلز کیمرا اور 6.1 انچ کا او ایل ای ڈی ڈسپلے دیا گیا ہے۔  یہ بیٹری لائف کے لحاظ سے اب تک کا سب سے بہترین آئی فون ہے جو کہ سنگل چارج پر دیگر کے مقابلے میں 6 گھنٹے زیادہ چلتا ہے۔ آئی او ایس 18 سے لیس اس فون میں صارفین کو اے آئی فیچرز دستیاب ہوں گے جبکہ سائیڈ پر ایکشن بٹن بھی دیا گیا ہے، مگر اسے کیمرا کنٹرول کے لیے استعمال نہیں کیا جا سکتا۔

کہا جارہا ہے کہ  یہ ایپل کا پہلا آئی فون ہے جس میں کمپنی کا تیار کردہ موڈیم استعمال کیا گیا ہے۔ اس میں ایمرجنسی ایس او ایس، روڈ سائیڈ اسسٹنٹس، میسجز اور سیٹلائٹ کے ذریعے فائنڈ مائی فون جیسے فیچرز استعمال کیے جا سکتے ہیں۔