11 جنوری تک سائفر کیس ٹرائل روکنے کا حکم

اسلام آباد ہائیکورٹ کے جسٹس میاں گل حسن اورنگزیب نے سائفر ان کیمرا ٹرائل کے خلاف درخواست پر سماعت کی۔  جسٹس میاں گل حسن اورنگزیب نے بانی پی ٹی آئی کے وکیل سے دریافت کیا کہ آپ کا نکتہ کیا ہے؟ جس پر وکیل کا جواب تھا کہ  نکتہ یہ ہے کہ فردِ جرم سے پہلے قانونی طریقہ کار مکمل نہیں کیا گیا۔ جج نے جس نوٹیفکیشن کا حوالہ دیا وہ یکم دسمبر کا ہے اور سائفر ٹرائل روزانہ کی بنیاد پر چل رہا ہے۔ جسٹس میاں گل حسن نے معلوم کیا کہ اب تک کتنے گواہان کے بیانات مکمل ہو چکے ہیں؟ عدالت کو بتایا گیا کہ کل  27 گواہان میں سے 25 کے بیانات اور3  کی جرح مکمل ہوئی ہے۔ عدالت نے 11 جنوری تک سائفر کیس کے ٹرائل پر حکم امتناع جاری کردیا۔ یاد رہے کہ  بانی پی ٹی آئی اور شاہ محمود کے خلاف سائفر کیس کا ان کیمرا ٹرائل اڈیالہ جیل میں جاری ہے۔