ایمان مزاری کی گرفتاری سے پہلے عدالت کو آگاہ کرنا ضروری

انسانی حقوق کی رہنما ایمان مزاری کی گرفتاری اور پھر رہائی کے معاملے پر اسلام آباد ہائی کورٹ کے جسٹس میاں گل حسن اورنگزیب نے حکم نامہ جاری کیا ہے جس کے تحت کسی بھی خفیہ ایف آئی آر میں ایمان مزاری کی گرفتاری سے پہلے  عدالت کو آگاہ کیا جائے گا۔ اس موقع پر ایڈیشنل اٹارنی جنرل منور اقبال دوگل نے عدالت کو بتایا کہ صوبوں کو گزشتہ سماعت کے بعد لکھ دیا تھا، مقدمات کی تفصیلات فراہمی کے لیے صوبوں کو فیکس اور واٹس ایپ بھی کردیا، پٹیشنر ایمان مزاری کو بھی  ایسے بیانات نہیں دینے چاہیے۔ جس کے جواب میں اسلام ہائی کورٹ کا موقف تھا کہ کیس نمٹا رہے ہیں، کوئی ایف آئی آر ہو تو عدالت کو آگاہ کیا جائے۔ یاد رہے کہ ایمان مزاری کو اشتعال انگیز تقریر پر گرفتار کیا جاچکا ہے جن کی رہائی کا حکم اسلام آبادہائی کورٹ نے گزشتہ دنوں دیا تھا۔