مجھے گرفتار نہیں کیا جاسکتا

تحریک انصاف کے سربراہ اور سابق وزیراعظم عمران خان نے فواد چوہدری کی گرفتاری پر ردعمل دیتے ہوئے پارٹی رہنماؤں سے یہی کہا ہے کہ حکومت انہیں بھی گرفتار کرسکتی ہے لیکن ایسا نہیں ہونے دیا جائے گا۔ ۔ فواد چوہدری کی پارٹی کے لیے گراں قدر خدمات ہیں۔ گرفتاری ظاہر کرتی ہے کہ پاکستان میں قانون کی حکمرانی نہیں۔ عمران خان کا مزید کہنا تھا کہ 22 کروڑ عوام تحریک انصاف کے ساتھ ہے۔ عمران خان نے فواد چوہدری کی گرفتاری کے بعد ان کی اہلیہ حبا چوہدری کو بھی فون کیا اور ان سے مکمل یکجہتی کا اظہار کیا۔ عمران خان کا حبا چوہدری کو یہی کہنا تھا کہ وہ پریشان نہ ہوں، تحریک انصاف ان کے ساتھ کھڑی ہے۔ دوسری جانب تحریک انصاف نے فواد چوہدری کی گرفتاری کے خلاف ملک بھر میں احتجاج اور مظاہرے کرنے کا اعلان کیا ہے۔ اُدھر صدر عارف علوی اسلام آباد سے لاہورآرہے ہیں۔ جہاں امکان یہی ظاہر کیا جارہا ہے کہ اُن کی عمران خان سے بھی زمان پارک میں ملاقات ہوگی۔