مفتی منیب کی جماعتِ اسلامی کے الاقصیٰ ملین مارچ کی حمایت

کراچی میں اتوار کو ہونے والے الاقصیٰ ملین مارچ کے سلسلے میں امیر جماعت اسلامی کراچی منعم ظفر نے دارالعلوم نعیمیہ میں مفتی منیب الرحمٰن سے ملاقات کی ہے۔ جس کے بعد میڈیا سے گفتگو کرتے ہوئے مفتی منیب نے کہا کہ سوئے ہوئے ضمیر کو تو جگایا جا سکتا ہے، مردہ ضمیر کو کیسے جگایا جائے گا۔مفتی منیب کا کہنا تھا کہ  مسلمانوں پر دہشت گردی کے فتوے لگائے جا رہے ہیں، اس احتجاجی ملین مارچ کی پُرزور تائید کرتا ہوں۔ اس موقع پر امیر جماعت اسلامی کراچی منعم ظفرکا کہنا تھا کہ اسرائیل امریکا کی پشت پناہی سے درندہ بن چکا ہے، اسرائیل غرور میں مبتلا ہے، یہ خونی کھیل ایک سال سے جاری ہے، ایسے حالات میں کراچی کے لوگ غزہ کے لوگوں کے ساتھ ہیں۔