کراچی: سوشل میڈیا پر ویڈیو وائرل ہونے پر لیڈی کانسٹیبل معطل

کراچی کے مائی کلاچی روڈ پر تعینات لیڈی کانسٹیبل ماریہ گل کی ویڈیو سوشل میڈیا پر وائرل ہونے کا ڈی آئی جی ساؤتھ  سید اسد رضا نے نوٹس لے لیا۔ اور لیڈی کانسٹیبل کو معطل کرنے کے احکامات جاری کردیے ہیں۔  لیڈی کانسٹیبل ماریہ گزری تھانے میں تعینات ہیں ، ایس ایس پی ساؤتھ سے لیڈی کانسٹیبل کی رپورٹ طلب کرلی گئی ہے۔  ڈی آئی جی ساؤتھ کا کہنا ہے کہ  پولیس ایک پروفیشنل ادارہ ہے لہٰذا اس طرح کی غیرذمہ دارانہ فعل کی کسی کو اجازت نہیں دی جا سکتی ہے۔ یاد رہے کہ وفاقی حکومت نے سرکاری ملازمین کے بغیر اجازت سوشل میڈیا استعمال پر پابندی عائد کر رکھی ہے ۔