پارا چنار کی صورتحال: کراچی میں 5ویں روز بھی دھرنا جاری

کراچی میں پارا چنار کے مظاہرین سے اظہار یکجہتی کے لیے مجلس وحدت المسلمین کی طرف سے شہر  کے مختلف علاقوں اور مرکزی شاہراؤں پر دھرنے 5 ویں  روز بھی جاری ہیں۔  اس وقت 12 مقامات پر احتجاج کیا جارہا ہے جب کہ رات سے جوہر موڑ پر بھی دھرنے کا آغاز کردیا گیا ہے۔کراچی میں مختلف مقامات پر دھرنوں کے باعث ٹریفک کو متبادل ٹریک پر چلایا جارہا ہے جب کہ شہر میں مختلف مقامات پر پارا چنار میں ہونے والے واقعے پر احتجاجی مظاہرے جاری ہیں۔ٹریفک پولیس کے مطابق شارعِ فیصل پر ناتھا خان پل اور ملیر 15 میں جاری دھرنا ختم کردیا گیا ہے، 26 دسمبر سے بند شارعِ فیصل کے دونوں اطراف کی سڑکیں کھول دی گئی ہیں۔