میاں عامر محمود کی جانب سے امریکی کانگریسی وفد کے اعزاز میں الوداعی تقریب

معروف صنعتکار اور سابق ناظمِ لاہور میاں عامر محمود نے امریکی کانگریسی وفد کے اعزاز میں ایک شاندار الوداعی عشائیہ کا اہتمام لاہور میں کیا۔ یہ تقریب مختلف کاروباری شخصیات، عوامی نمائندوں، سیاسی قائدین اور مشہور شخصیات کو ایک چھت تلے اکٹھا کرنے کا باعث بنی، جہاں مہمانوں کا استقبال میاں جی کی روایتی مہمان نوازی کے ساتھ کیا گیا۔ امریکی وفد میں نمائندگان ٹام سوازی، جیک برگمین، اور جوناتھن لوتھر جیکسن شامل تھے، جنہوں نے پاک امریکہ تعلقات کو مزید مستحکم بنانے اور باہمی مقاصد پر تعاون کو فروغ دینے کے حوالے سے تعمیری گفتگو میں حصہ لیا۔ یہ تقریب دونوں ممالک کے درمیان سفارتی تعلقات کی مضبوطی کی سمت ایک اہم سنگِ میل ثابت ہوئی۔

اس موقع پر پاکستانی نژاد امریکی ڈیموکریٹک رہنما طاہر جاوید اور ممتاز کاروباری شخصیت شاہد خان  جس سے تقریب کی بین الاقوامی اہمیت اجاگر ہوئی۔  تقریب میں ٹیکساس میڈیکل بورڈ کے رکن راؤ کامران علی اور امریکن پاکستانی ایڈووکیسی گروپ کے صدر علی رشید بھی تھے جن کی شرکت نے بیرونِ ملک مقیم پاکستانیوں کے کردار کو مزید اجاگر کیا۔  ثقافتی رنگ بھرنے کے لیے معروف گلوکارہ آئمہ بیگ اور گلوکارفاخر نے بھی تقریب میں شرکت کی، جن کی موجودگی نے محفل کو مزید خوبصورت اور خوشگوار بنا دیا۔

یہ کامیاب الوداعی تقریب پاک امریکہ تعلقات کو نئی جہت دینے کے عزم کا مظہر بنی۔ دونوں ممالک باہمی تعاون کے اس مثبت سلسلے کو آگے بڑھانے اور روشن مستقبل کی بنیاد رکھنے کے لیے پُرعزم ہیں۔