مہنگائی ہماری توقعات سے زیادہ کم ہوئی

اسلام آباد میں پاکستان اکنامک ڈیش بورڈ کی تقریب سے خطاب کرتے ہوئے وفاقی وزیر خزانہ محمد اورنگزیب کا کہنا تھا کہ آخری بین الاقوامی مالیاتی فنڈ پروگرام اس صورت ہوگا جب پاکستان  بنیادی اصلاحات کرے گا۔  اصلاحات کی طرف جانا ہوگا، ٹیکس ٹو جی ڈی پی بڑھانا ہے، معیشت جس جگہ پر ہے اسے استعمال کرتے ہوئے ملک میں معاشی استحکام لانا ہے۔ وفاقی وزیر خزانہ مزید کہتے ہیں کہ مہنگائی میں توقعات سے زیادہ کمی آئی ہے اور معیشت بہتری کی طرف گامزن ہے، اگر  اس تسلسل کو برقرار رکھتے ہیں تو معیشت استحکام کی حالت سے ترقی کی طرف جا سکتی ہے۔ محمد اورنگزیب کہتے ہیں کہ ملک میں تمام ڈیٹا تھا لیکن اسے درست طریقے سے استعمال نہیں کیا گیا اور اگر اس پر کام کرتے ہیں تو بہتر نتائج موصول ہونا شروع ہوں گے۔