ٹیلر سوئفٹ بہترین میوزک ویڈیو ایوارڈ جیتنے میں کامیاب

امریکی گلوکارہ ٹیلر سوئفٹ نے ایک بار پھر اپنی جادوئی آواز کا سحر پرستاروں پر طاری کرکے ایم ٹی میوزک ویڈیو 2022 کا سب سے بڑا ایوارڈ اپنے نام کرلیا، 2012 کے ایک پرانے گانے ‘آل ٹو ویل’ کا ریمیک جب لانچ کیا گیا تو پرستاروں کے دلوں میں گھر کرگیا، پسندیدگی کے نئے ریکارڈ قائم کرنے پر گلوکارہ ٹیلر سوئفٹ بہترین ویڈیو میوزک ایوارڈ کے حقدار ٹھہریں، وہ واحد فنکارہ تھیں جو اس نوعیت کا 14 واں ایوارڈ جیتنے میں کامیاب رہیں۔ خوشی کے اس موقع پر ٹیلر سوئفٹ نے اپنے ایک اور شاندار اپ کامینگ البم کا بھی اعلان کیا، گلوکارہ کے مطابق ان کا آنے والا نیا البم ‘مڈنائٹس’ میری زندگی کے ان 13 جاگتی راتوں کی کہانی ہے جو میری پوری زندگی پر اثرانداز ہیں۔ یہ البم رواں سال 21 اکتوبر کو ریلیز کیا جائے گا جس کے لیے مداح ابھی سے بے تاب دکھائی دے رہے ہیں۔