آئینی ترمیم کی ممکنا منظوری، قومی اسمبلی اور سینیٹ کا اجلاس طلب

صدر مملکت آصف علی زرداری نے سینیٹ اجلاس 17 اکتوبر کو دوپہر 3 بجے جبکہ قومی اسمبلی کا اجلاس اسی دن دوپہر4 بجے طلب کر لیا۔  صدر مملکت نے قومی اسمبلی اور سینیٹ کے اجلاس آئین کے آرٹیکل 54 (1) کے تحت طلب کیا ہے۔ امکان ظاہر کیا جارہا ہے کہ اس اجلاس میں  26 ویں آئینی ترمیم کو منظوری کے لیے پیش کیا جائے گا۔  گزشتہ دنوں حکومت اپنی کوششوں میں کامیاب رہی اور پیپلز پارٹی، مسلم لیگ(ن) اور جمعیت علمائے اسلام(ف) میں 26ویں آئینی ترمیم کے حوالے سے اتفاق رائے ہو گیا تھا۔ منگل کو  جمعیت علمائے اسلام کے سربراہ مولانا فضل الرحمٰن نے کہا تھا کہ آئینی ترمیم کے مسودے پر پاکستان پیپلز پارٹی اور ان کے درمیان اتفاق ہوگیا ہے، پیپلز پارٹی نے بھی ہمارے تجویز سے ملتا جلتا مسودہ تیار کیا ہے۔