نسیم شاہ کا بلہ نیلام کرنے کا اعلان

ایشیا کپ میں افغانستان کے خلاف فاتحانہ اننگ کھیلنے والے نسیم شاہ نے اُس بلے کو نیلام کرنے کا اعلان کیا ہے، جس سے انہوں نے 2 بلند و بالا چھکے مار کر ناصرف افغانستان بلکہ بھارت کو بھی ٹورنامنٹ سے آؤٹ کیا تھا۔ دلچسپ بات یہ ہے کہ نسیم شاہ نے جس بلے سے یہ کارنامہ سرانجام دیا، وہ فاسٹ بالر محمد حسنین کا تھا۔ جنہوں نے اب اسے نسیم شاہ کو بطور تحفہ پیش کردیاہے۔ دونوں نے ایک ویڈیو جاری کی ہے۔ جس میں نسیم شاہ کہتے ہیں کہ وہ اس بلے کی نیلامی سے حاصل ہونے والی نصف رقم کو سیلاب زدگان کو عطیہ کردیں گے۔

The bat with which he struck the two last-over sixes 🤩@iNaseemShah decides to auction the bat gifted to him by @MHasnainPak for a charitable cause. #AsiaCup2022 pic.twitter.com/uCF1loEXCT

— Pakistan Cricket (@TheRealPCB) September 8, 2022

نسیم شاہ نے بدھ کو اُس وقت پاکستان کو جیت دلوائی جب کسی کے وہم و گمان میں نہیں تھا۔ انہوں نے آخری اوور کی ابتدئی 2 گیندوں پر چھکے مار کر ٹیم کی جیت میں کلیدی کردار ادا کیا۔