کینہ، عداوت، یا انتقام کی نیت رکھنے والا نہیں ہوں

وزیرِ اعلیٰ پنجاب مریم نواز کی زیرِ صدارت لائیو اسٹاک سے متعلق اجلاس ہوا جس میں مسلم لیگ ن کے صدر محمد نواز شریف بھی شریک ہوئے جنہوں نے اپنے خطاب میں کہا کہ کینہ، عداوت، یا انتقام کی نیت رکھنے والا نہیں ہوں، انہوں نے دھرنے میں کہا وزیرِ اعظم نواز شریف تمہیں کھینچ کر لاؤں گا، کہا گیا نواز شریف کو جیل میں ڈال کر اے سی نکلوا دوں گا، میرا دھیان تو کبھی اس طرف نہیں گیا ہی نہیں۔ بانی پی ٹی آئی چاہیں تو ایک دو اے سی اور لگالیں۔ نواز شریف کا مزید کہنا تھا کہ میٹرو بس کو جنگلا بس کہنے والے ملک اجاڑ کر چلے گئے۔ جنگلا بس کہنے والے اربوں روپے کھا کر غائب ہوگئے، پشاور میٹرو بس گھپلوں کی انکوائری سامنے نہیں لائی گئی۔ نواز شریف کا مزید کہنا ہے کہ مریم نواز اسی طرح کرتی چلی جائیں اور شہباز شریف بھی محنت کرتے رہیں تو ملک بحرانوں سے نکل جائے گا، میں نے محترمہ کے ساتھ میثاق جمہوریت کیا تھا۔