سیفی سومرو کے فن پارے چوری نہیں ہوئے تھے

سینئر ڈائریکٹر کے ایم سی کلچر اینڈ اسپورٹس رضا عباس نے پینٹنگ آرٹسٹ سیفی سومرو کے حوالے کر دی۔ اس موقع پر تقریب سے خطاب کرتے ہوئے رضا عباس کا کہنا تھا کہ مصور سیفی سومرو کو غلط فہمی تھی کہ ان کے فن پارے چوری ہوگئے۔ آج جمی انجینئر کی طرف سے کیش ایوارڈ بھی ان کو دیا جائے گا، 2017 سے ان کی پیٹنگ کو محفوظ رکھا تھا۔ مصور سیفی سومرو کا کہنا تھا کہ 2017 میں جب پیٹنگ دی تھی تو اس وقت نیا تھا۔نمائش کے بعد  رابطہ کیا تو بتایا گیا کہ پیٹنگ چوری ہو گئی ہے۔بہرحال اب انہیں یہ فن پارے مل گئے۔ یاد رہے کہ حال ہی میں آرٹسٹ سیفی سومرو کی پینٹنگز چوری ہونے کے بعد ڈرامے  میں نظر آئی تھیں جس کے بعد پولیس کو فن پاروں کی چوری کی درخواست جمع کرا دی گئی تھی۔ سیفی کی اس پینٹنگز کے چوری ہونے کی درخواست کراچی  فریئر پولیس اسٹیشن میں جمع کرائی گئی تھی جس میں کہا گیا تھا کہ 2017 میں سیفی سومرو کی پینٹنگز کی نمائش فریئر ہال کراچی  میں ہوئی تھی۔