وزیراعظم سے وزیر داخلہ و وزیراعلیٰ بلوچستان کی ملاقاتیں

وزیر اعظم شہباز شریف سے وفاقی وزیر داخلہ محسن نقوی اور وزیر اعلیٰ بلوچستان میر سرفراز بگٹی نے الگ الگ ملاقاتیں کی۔  وزیر داخلہ نے وزیراعظم کو سیکیورٹی کے لیے کیے گئے اقدامات اور افغان باشندوں کی وطن واپسی کے عمل کی پیشرفت کے حوالے سے آگاہ کیا۔ دوسری جانب وزیر اعلیٰ بلوچستان میر سرفراز بگٹی کی وزیر اعظم سے ملاقات میں بلوچستان کی موجودہ اقتصادی، سماجی اور امن وامان کی صورتحال پر تفصیلی گفتگو اور وفاقی حکومت کی جانب سے بلوچستان کے لیے جاری ترقیاتی منصوبوں پر تبادلہ خیال کیا گیا۔  شہباز شریف نے کہا کہ بلوچستان کی ترقی کے لیے وفاقی حکومت ہر ممکن تعاون فراہم کرے گی۔ صوبے کی ترقی وفاقی حکومت کی اولین ترجیحات میں شامل ہے اور اس مقصد کے لیے تمام ضروری اقدامات کیے جائیں گے۔