بانی پی ٹی آئی کے فیض حمید سے متعلق ریمارکس پر سیکیورٹی ذرائع کا ردِعمل

بانی پی ٹی کے جنرل ( ر) فیض حمید کے اوپن ٹرائل سے متعلق بیان پر سیکیورٹی ذرائع نے ردعمل دیتے ہوئے کہا کہ بانی چیئرمین ہوتے کون ہیں یہ بتانے والے کہ فیض حمید کا ٹرائل اوپن کورٹ میں ہوگا یا نہیں۔  سیکورٹی ذرائع کی طرف  سے عمران خان کے بیان پر شدید ردعمل کا اظہار کیا گیا اور کہا کہ اگر بانی چیئرمین کا اس معاملے میں ٹرائل ہوا تو تسلی رکھیں وہ اوپن ہی ہوگا۔ تاکہ ساری دنیا کو پتا چلے کے بانی چیئرمین پی ٹی آئی عمران خان کیا کرتے اور کرواتے رہے ہیں۔ یاد رہے کہ آج اڈیالہ جیل میں صحافیوں سے بات کرتے ہوئے بانی چیئرمین پی ٹی کاکہنا تھا کہ فیض حمید کا اوپن کورٹ ٹرائل ہونا چاہیے۔ ان کے مطابق  جنرل (ر) فیض حمید اور اُن کا معاملہ فوج کا انٹرنل معاملہ نہیں ہے۔ اس ٹرائل میں میڈیا کو عدالت جانے اور کوریج کی اجازت دی جائے۔ ان کا مزید کہنا تھا کہ جنرل (ر) فیض حمید ریٹائرمنٹ کے بعد زیرو ہوگیا۔